ABNA24 : Ministan lafiyan na Iran ya sanar da hakan ne a wajen wani bikin ƙaddamar da wata cibiyar tafi da gidanka ta ba da kariya ga hare-haren makamai masu guda da sojojin ƙasa na dakarun kare juyin juya halin Musulunci (IRGC) na ƙasar Iran ɗin suka kera inda ya ce a gobe Talata za a gabatar da rigakafin mai suna Sepand wanda ma’aikatar tsaron ƙasar ta Iran ta samar sannan kuma ba tare da ɓata lokaci ba za a fara gwajinsa kan bil’adama don tabbatar da ingancinsa.
Ministan lafiyan na Iran ya ƙara da cewa rigakafin na Sepand shi ne dai rigakafin da fitaccen masanin nukiliyan nan na Iran da aka kashe watannin baya wato Shahid Mohsen Farhrizadeh ya samar da shi a ma’aikatar tsaron wanda yanzu kuma ya kai matakin da za a fara gwajinsa a kan bil’adama.
Baya ga rigakafin Sepand ɗin har ila yau kuma Iran ta samar da wasu rigakafin cutar ta Corona guda uku waɗanda a halin yanzu suke a matakin gwaji a kan bil’adama.
342/
